Dit is mien land

                                                        ©Tekst: Henk Deters
                                                        © Muziek: Stef Koonings / Henk Deters
Ik stond op de Paerdekop
Huurde paerdehoeve ien galop
En toen ik nor de toren liep
Iets nor Harrie riep
Noom hej vur mej ziene hoed
Ut laeve hier is goed

Ik vloog ovver de tôpkes van ut bos
Ik keek en keek en zaowiet ik kieke kos
Dor zaag ik al die kruuskes op ’t gras
En besefte aegeluk pas
D’n tied het zien waerk wel gedaon
Hier zien vriendschappe ontstaon

Ik begreep ienaens wat ut is dat mej hier rakt
Waorum de koffie hier nog alt ut baeste smakt

Dit is mien land, os lepke grond
Wor ik stoj en wor ik stond  
Geluk en liefde vond
Wor ik ut laeve laef, zoeas ik laef
Toekomst an mien kiender gaef

Ik liep naeve dat ald gebouwke hin
En ut vuult of ik wer 15 bin
En daenk wer an die jeugdherinnering
De liedjes die ik nou nog zing
Ut pletske wor ik oeëit bej volle maon
Mit vlinders heb gestaon

Bej de Liendebuëm, dor staot de kermis klaor
De bloesem ruukte daor al 100 jaor

Wat ik zegge wil is dit
Ik heb de pit en de genen van degene die hier kwame
Ut bloed van vaders’ vader, vuul ik stroeëme dur mien ader

En mit trots gaon wej verder mit os ieëwige geplaar
We zegge: “Kan ik nie dat ken ik nie”!  En we doen ut vur mekaar.
  
En wat we doen, dat doen we gaer, en mit flair,
Jong en ald is ien de waer
Open air zet un däörp op de kaart
 
Ik wieët zeker
Ik zit ien dit däörp
En ut däörp dat zit ien mej,
Ik vuul mej vreej
Van de merge tot d’n aovend
En elke dag opnaej.

Waorum?

Umdat ik overal bin gewist
Heb geslaope en gepist
Souvenirs heb weggegrist
Mar hier mien aege meense heb gemist
Hier wer ik ald, hier gaoj ik stuk
Umdat ik liefde en geluk
Wor ik stoj en wor ik stond
Heb gevonden……… op dit klaene lepke grond